Pisiniarnermi piumasaqaatit
PISINEQ:
Nittartakkakkut pisiariniakkatit Qalut Vóninimut nassiukkukkit, piniakkatit suliarineqassapput. Pisineq qulakkeerneqassaaq aatsaat Qalut Vóninimiit attavigineqaruit pisiassatit poortorneqalersut nassiunneqalersullu. Aningaasallu kortinniik aatsaat ilanngaatigineqassapput poortugaq nassiunneqarnissaminut piareerpat. Pisiarisappit nalingi sinnerlugit ilanngaassinnaanngilatsigit.
Akiliineq pisarpoq online-kkut pisinermi, tamannalu Dankortimik imaluunniit korti akiliutigineqartartoq allamik akilerneqartarpoq. Akit tamarmik akitsuusersugaanngillat (moms) Kalaallit Nunaanni akitsuutit atorneqanngimmata. Taamaammat Kalaallit Nunaata avataaniit pisisimaguit, assersuutigalugu Danmarkimiit, ilanngaaserisunit akitsuutit pillugit akileeqquneqassaatit.
Qalut Vóninimi pisiat tamarmik pisiap tiguneraniit ulluni 14-ini peqqissimisinnaatitaanermut periarfissaqarpoq.
info@qalut.gl –imut emailimik Qalut Vónin nalunaarfigissavat pisiatit utertikkusullugit, atit inniminniinermilu normu (ordrenr.) allakkanni aamma nalunaarutigissavatit, tamatuma kingorna ullut 14-inik periarfissaqarputit pisiappit utertinnissaanut.
NASSIUSSINEQ:
TelePost aqqutigalugu nassisarpugut, tamannalu nalinginnaasumik ulluni 3-5 sivisussuseqartarpoq.
Ullaat tamaasa nittartakkakkut inniminniinerit misissortarpagut, inniminnikkatit ullup ataatsip iluani nassiunneqarumaarput.
Nassiussineq pisisumit akilerneqassaaq.
Nassiussinermi akit atuuttut malillugit akilerneqartarpoq, angissusaa oqimaassusaaluunniit malillugu.
Minnerpaaffissaa: 14x9cm. Poortugaq ammaloqisaajusimappat imalt. Imusaasimappat, takissisaa 10 cm aamma takissusaa +2 x diameter/portussusaa= 17 cm.
Anginerpaaffissaa: Takissusaa 150 cm aamma takissusaa + kaajallannera= 300 cm. Poortugaq ammaloqisaajusimappat imalt. Imusaasimappat, takissusaa 150 cm. Aamma portussusaa imalt kaajallannera= 25 cm.
Poortuutissaq ilanngullug oqimaannerpaaffissaa: 50 kg. (Kalaallit Nunaanni)
Nassiussap ingerlaarnerata sivisussusaa
Nassiussap ingerlaarnerata sivisussusaanik takussutissaq |
||
Nassiussap ilusaa |
Poortuga (A) timmisartukkut aqqutissaq siulleq atorlugu nassiunneqartarpoq. Periarfissaalluni umiarsuakkut sukkanerusimassappat. |
Nassiussat (B) umiarsuakkut aqqut siulleq nassiunneqartarput. Illoqarfippit iluaniit nassiunneqartut (B) atorlugu nassiunneqartarput, illit immikkut piumasaqarsimanngikkuit |
NUNAP ILUANI |
Poortukkat allakkerivimmi bokseqanngitsunut nassiunneqartut ikinnerpaamik sap.ak. marloriarlutik agguaanneqartarput. Tele-Postimi boksilinnut ulluinnarni ulloq taanna nal. 15.00 sioqqullugu nalunaarutigineqartarput. |
Poortukkat allakkerivimmi bokseqanngitsunut nassiunneqartut ikinnerpaamik sap.ak. marloriarlutik agguaanneqartarput. Tele-Postimi boksilinnut ulluinnarni ulloq taanna nal. 15.00 sioqqullugu nalunaarutigineqartarput. |
MAALAARUTIT PEQQISSIMISINNAATITAANERLU
Qalut Vónin A/S-imi pisiannik utertitsinissannut ullut 14-it iluani periarfissaqartuaannarputit. Qalut Vónin A/S ilisimatissavat pisiaraluappit utertikkusunneranik, kingusinnerpaamik pisiappit tiguneraniik ullut 14-it qaangiutsinnagit, nalunaarneq uunga E-mailimut pissaaq: info@qalut.gl.
Allakkerivimmi ulloq nalunaarsorneqarsimasoq, ulloq pisiannik tigusiffittoq atorneqassaaq.
Utertinneqartut nioqqutissap tiguneratulli isikkoqartillugit utertinneqassapput, tassa imaappoq, akia/meqqia assigisaalu nioqqutissamiit peerneqarsimassanngillat ajoqusersimassananilu.
Utertinneqartut poortorluarsimassapput, ajornanngippallu tigunerani poortuutigineqarsimasut atorneqassallutik. Erseqqissaatigissavarput utertinneqartut tigunerani Qalut Vónin A/S-imut akiligassanngortinneqarsimasut TIGUNEQASSANNGIMMATA.
Nassiussinermi akiliutissaq pisiniap nammineq akilertussaavaa. Pisisup nioqqutissap utertinnerani allakkerivik atornagu RAL imalt. Air Greenland aqqutigalugu nassiussisimappat, nioqqutissap aaneranut aningaasartuutit pisiniamut akiligassanngortinneqassapput.
Ulloq taanna nioqqutissaq tiguneqarpat ajoquteqannginnersorlu misissorneqareerpat aningaasat pisisup bankimi kontoanut ikineqassapput.
Nioqqutissaq tigunagulu erseqqissumik tunngavilersorsimanak peqqissimisinnaanermut atortinneqartoq akuerineqarsinnaanngilaq.
Maluginialaallaqunarpoq piffissaq eqqorlugu utertinniakkatit utertissagakkit, illillu pisarineqartut utertinnerani aserfallassimannginnissaat akisussaaffigigakku, kiisalu pisiat utertinneqartut amigaateqannginniissaat ajoqusersimannginnissaallu aamma akisussaaffigigigakkit.
Qalut Vónin A/S-imiit pisiatit ajoquteqearpata imalt. naammagittaalliutissaqaruit piffissami akuersaarneqarsinnaasumi ajoquteqarsimaneranik nalunaaruteqassaatit.
Ajoqutip imalt amigaatip suuneranik takussutissalerlugu nassuiaateqarsinnaanissat pisussaaffigivat. Kukkusoqarsimappallu piaarnerpaamik Qalut Vónin A/S attavigissavat.
Tunngaviusumik taamaallaat naammagittaalliorsinnaavutit kingusinnerpaamik ukiut kingulliit marluk matuma siorna pisiarisimagukku.
Pisussaatitaaffigivat pisiap sapinngisamik tiguneratut isikkoqartillugu utertinnissaa. Utertinnerani aningaasartuutigineqartut illit nammineq akilertussaavatit.
Illit pisussaaffigivat poortugaq tigussagipput, kiisalu nassiussimanera uppernarsallugu.
Utertiffissap adressea:
Utertitat tamarmik uunga nassiunneqartassapput:
Qalut Vónin A/S
Postboks 779, 3900 Nuuk, Grønland
Uku sillimaffigillaquneqarput: pisiassat akitsorsimasinnaaneri, akitsuutinik allannguisoqarsimasinnaanera, valuta allannguuteqarsimasinnaanera, pisiassat nungussimasinnaaneri, naqinnerliuisoqarsinnaanera. Lageritsinni ajortoqarsimasinnaanera, kiisalu nioqqutissat nungussimasinnaaneri sillimaffigeqqunearput.
INUNNUT ATAASIAKKAANUT PAASISSUTISSAT:
Qalut Vóninimut pisiniarninni paasissutissat tunniussatit taamaallaat pisiariniakkappit suliarinerani atorneqartussaapput. Qalut Vónin A/S piumaffigineqanngikkuni e-mailimik ilinnut nassiussinavianngilaq. E-mail pisiarisimassannut tunngassuteqartoq taamaallaat nassiunneqarumaarpoq.