Pisiat ikioraaviat

tamakkiisumik

Ilisaritilaarluta

Qalut Vónin qaluleriviuvoq qalunik qassutinillu assaannarmik sulianik pitsaasunik suliaqartartoq. Tamatuma saniatigut aamma aalisarnermut atortut tamaasa illoqarfinni ukunani pisiniarfitsinni pisiarineqarsinnaapput:

  • Nuuk
  • Sisimiut
  • Aasiaat
  • Ilulissat

Tulluusimaarutigeqaarput qangaaniilli ileqquusoq, assaannarmik qalunik pitsaasunik suliaqartarneq ingerlateqqinnikuugatsigu. Sulisugut arlaqartut aalisarnermik misilittagaqarluartuupput, taamaattumillu sullitagut unamminarsinnaagaluartunilluunniit ikiugassaatillugit pitsaasumik sullinneqarnissaat angusarparput.

 

Oqaluttuassartaa

Qalut VÓNIN Kalaallit Nunaanniit Savalimmiuniillu aallaaveqarpoq, atiani aamma takuneqarsinnaareertutut. Oqaaseq Qalut kalaallisuujuvoq, VÓNIN savalimmiormiutuujuvoq, isumaqarlunilu Neriunneq. Vónin umiarsuup aterivaa, taanna 1969-imi Vónin-imik pilersitsisut umiarsuaanni siulliuvoq.

1980-imi Kalaallit Nunaanni umiarsuaatillit marluk kattupput, qalulerivillu Qalut Nuuk aallartillugu. 2001-imi savalimmiormiut suliffeqarfiutaat Vónin suleqatigilissallugu isumaqatigiissuteqarput, taamaalillunilu Qalut Vónin pilersinneqarluni.

Ullumikkut Vónin nunani avannarlerni qaluleriviit annersaraat, nunani ukunani immikkoortortaqarpoq: Canada, Savalimmiut, Norge, Danmark aamma Kalaallit Nunaat.

Vónin pillugu annertunerusumik paasisaqarusukkuit quppernerput www.vonin.com alakkaruk.